பட்டியல் (பாகம்-1)

ஏதில்லை என்னிடமென்று எழுதியோர் பட்டியலிட்டுத்
தீதில்லைக் கடனும் வாங்கிக் கனவுகள் மெய்படவெண்ணி
ஏடுகள் சிலவும் எழுதும் கோலொன்றும் கையில் கொண்டு
ஏகாந்தமாய் அமர்ந்து ஏக்கங்கள் பதிய நினைத்தேன்.

வீடில்லை நிலைத்து வாழ நிலமில்லை நெடிதுலாவ
வீட்டுளோர் சேர்ந்து செல்ல விசாலமாய் வாகனமில்லை
பொன்நகை பலவும் இல்லை பொருள்பல வசதிக்கில்லை
எண்ணிய(து) எளிதில் செய்ய ஏவலர் எவருமில்லை.

பல்வகை உணவு படைக்கும் பகட்டான விருந்துகள் இல்லை
பனிமலை கடல்கள் தாண்டி பன்னாட்டுப் பயணங்களில்லை
புதுமைகள் இவ்விடமில்லை புகழில்லை போகமுமில்லை
பட்டியல் நெடிது நீள பக்கங்கள் போதவில்லை.

                                                      - வீச்சுக்கவி 

எண்திசைகள் ஒன்றாகிட

மெல்லிசையே எண்திசைகள் உன்னசைவில் ஒன்றாகிட
பெண்ணழகே உன்விழியில் என்மனதை நான் தொலைத்தேன்
முத்தமிழே மூச்சோடு உன்வாசம் நான் நுகர
சத்தமிலாதென் நெஞ்சில் யுத்தமொன்று மூளுதடி

வரம்

வானமழை உந்தன் மீதுவிழ எந்தன் தேகமெலாம் சிலிர்க்கும்


தேனொழுகும் உன் வாய்மொழிச் சொற்களில் தேகசுகம் பெருகும்


நானுனைக் கானிட நேரிடுமென்பது ஆண்டவன் அற்புதமோ - உயிர்


தானினி போயினும் போகட்டும் மேலொரு போகமும் ஈங்கு உண்டோ.

பாரதி நின்புகழ்

அழகிய கவிதை.

ஆழ்ந்த கருத்து.

இனிய செந்தமிழ்.

ஈடிலா தோரனை.

உள்ளம் உரைக்க

ஊதிய சங்கம்(சங்கு)

எண்ணம் சிறந்து

ஏறுபோல் உழைத்திட

ஐயம் களைந்து

ஒற்றுமை நம்மிடை

ஓங்கிடத் தோன்றிய

பாரதி நின்புகழ்

வானிடை நீந்திடும்

செஞ்சுடர் வாடினும்

வாடாதிருந்து வாழ்ந்திட வாழ்த்துவோம்.

அசையும் அர்த்தமும்

அசயில்லா அர்த்தமும் இல்லா(த)
உன் ஆறுவரி அசட்டுக் கவிதைக்கு
அடிக்கு ஒருதரம் ஆஹா போடுகிறேன்.
அன்பே,
உன் அசைவில் இல்லா அசையா!
உன் பார்வையில் இல்லா அர்த்தமா!

கண்ணிமை

மூடிய விழிகளில் தேவதை தரிசனம்.
மங்கையே, என் கண்ணிமைகள் நீதானோ!

சென்னை

வான்தொட்டும்  ஓயாது  உயர்ந்து  எழும் கட்டிடங்கள்
தேன்  சொட்டும்  இனியசுவை  விருந்தளிக்கும்  உணவகங்கள்
கடலலைகள்  தவழ்மடியாம்  மெரினாவின்  பரப்பளவில்
இடம்  பெயர்ந்து  இங்குவந்தோம்  இனியதோர்  வாழ்கை  தேடி!



ஈமொய்க்கும் மாம்பழமாய் இருக்குமிந்த ஊரினிலே
தீபெட்டிக் குடியிருப்பில் வாடகைக்கு இடம்பிடித்தோம்.
போர்க்களமாய் காட்சி தரும் பெருநகரச் சாலைகளை
புழுதிசூழ் பேருந்தில் ஊர்ந்துசென்று உடல் களைத்தோம்.

மாநாட்டுப் பேரணி

மரண மார்கத்து மாநாட்டுப் பேரணியை
பிறந்த நாளன்றே பின்தொடத் தொடங்கிவிட்டோம்.

காணாமல் போன என் மனது

மருதாணிக்  கைகளும்
மலர் போன்ற கண்களும்
மது  ஊரும் இதழ்களும்
மனம் கொண்டு போனதே.

அவளும் அழகும்

அவளை அழகென்று அழைப்பதை விட
அழகை அவளென்று அழைப்பதே சரி.

ஏழு நாள் குழந்தை

என் மகள் கண்களில் ஏழு நாள் குழந்தையாய்
      என்னை நான் பார்க்கிறேன்! என்னை நான் பார்க்கிறேன்!
ஒன்றென இருந்த எம் இருவருக் இடையிலே
      ஒன்றிட வந்தவள் உள்ளத்தால் பார்க்கிறேன்!
பிஞ்(சு) அவள் கைகளில் கைகளைக் கோர்க்கையில்
      பஞ்செனப் பறக்கிறேன், பாரங்கள் மறக்கிறேன்!
இன்றெனக்(கு) இருந்திடும் எண்ணங்கள் யாவையும்,
      ஈர்த்திட வந்தவள், சுவாசிக்க மறக்கிறேன்!

காரணமில்லா காதல்

காரணங்களைக் கடந்த கவர்ச்சி தான் காதல்
கண்டதும் கொண்டிடும் காதலே சாட்சி!

மாற்றம்

சலசலப்பை சந்கீதமாக்கும் அவள் சலங்கை!
சுவாசத்தை ஸ்வாரஸ்யமாக்கும் அவள் ஸ்பரிசம்!

நான் + நீ = நாம்

நானென்றால் நானல்ல நீயென்று நீ சொன்னாய்!
நீயென்றால் உன்னோடு நானென்று நீ சொன்னாய்!
நான் நீயாய், நீ நானாய், நாமென்றால் யாதென்றேன்.
நான் உனக்கும், நீ எனக்கும் நாமென்று நீ சொன்னாய்!

நிஜம்

நிலவில்லா வான்
சுவையில்லா தேன்
செவிளில்லா மீன்
நீயில்லா நான்!

facebook & google

தோழன் ஒருவன் துணை இருந்தால்,
      google தேவையில்லை!

தோழி ஒருத்தி உடன் இருந்தால்,
      facebook தேவையில்லை!

வாழ்க்கையில்

நினைவுகளை சேமிக்கிறேன்,
  கனவுகளில் செலவழிக்க!
 

உன் மருதாணிக் கை விரலில்

உன் மருதாணிக் கை விரலில் மோதிரத்தை மாட்டிவிட்டு,
மனதார முத்தமிட மனம் கிடந்து துடிக்குதடி.

இடம் மாறிய இதயம்

இவள் வந்து
  என் நெஞ்சில்
இடம் பெயர்வால்
  என்றறிந்து, 
 
இடம்கொடுக்க
  இதயத்தை
இடப்பக்கம்
  நகர்த்திவைத்தான்!


[Knowing that, she will come and migrate/shift to my chest
to giver her some place. Nature had moved my heart a little left.]

காகித மலர்கள்

அவள் கண்களிரண்டும்

    காகித மலர்கள்!
காய்ந்து கிடந்தாலும்,
     வாடி இருப்பதில்லை!


[காய்ந்து கிடந்தாலும் - ஏங்கி நிற்கும் என் மீது இறக்கம் கொள்ளாமல்]